2019 թվականի ընթացքում ՀՀ քննչական կոմիտեի կողմից քննված կոռուպցիոն բնույթի հանցագործությունների վերաբերյալ քրեական գործերով քրեական հետապնդման է ենթարկվել թվով 1043 անձ: Նշված անձանցից ձերբակալվել է 44-ը, իսկ 27 անձ ազատվել է ձերբակալումից:
Այս մասին տեղեկացնում են Քննչական կոմիտեից:
Որպես մեղադրյալ ներգավել է 848 անձ: Մեղադրանք է առաջադրվել 792 անձի:
Թվով 52 անձի վերաբերյալ կալանավորման միջնորդություն է ներկայացվել դատարան, որոնցից մերժվել է 9-ը, բավարարվել է 43-ը, որից 28-ի նկատմամբ կիրառվել է գրավ:Թվով 29 մեղադրյալի պաշտոնավարումը դադարեցվել է:
Կալանքից ազատվել է 7 մեղադրյալ, որոնցից 4-ը՝ դատախազի կողմից, 3-ը՝ դատարանի:
Արդարացման հիմքով քրեական հետապնդումը դադարեցվել է 101 անձի նկատմամբ, իսկ ոչ արդարացման հիմքով՝ 259 անձի նկատմամբ:
1 անձի նկատմամբ քրեական հետապնդումը դադարեցնելու վերաբերյալ որոշումը վերացվել է դատախազի կողմից: Քրեական հետապնդումը դադարեցնելու վերաբերյալ դատարանի կողմից որոշումներ չեն վերացվել:
Դատի է տրվել 286 անձ, որոնցից 4-ը գտվել են կալանքի տակ:
Բժշկական բնույթի հարկադրանքի միջոցներ կիրառելու վերաբերյալ դատարան միջնորդություններ չեն ներկայացվել:
Անավարտ գործերով քրեական հետապնդման է ենթարկվել 394 անձ, որից կալանքի տակ գտնվել է 6-ը:
