Վարչապետ Նիկոլ Փաշինյանը փետրվարի 12-ին որոշում է ստորագրել, որի համաձայն պատվիրակություն կգործուղվի Ռուսաստանի Դաշնություն՝ մասնակցելու ԵՏՄ 2020-2025 թվականների ռազմավարության շուրջ աշխատանքային քննարկումներին։
Որոշման մեջ մասնավորապես ասվում է․
«Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝
1. Եվրասիական տնտեսական միության 2020-2025 թվականների ռազմավարության շուրջ աշխատանքային քննարկումներին մասնակցելու նպատակով 2020 թվականի փետրվարի 13-15-ը Ռուսաստանի Դաշնություն (Մոսկվա) գործուղել պատվիրակություն՝ համաձայն հավելվածի:
2. Պատվիրակության անդամների՝ Ռուսաստանի Դաշնություն (Մոսկվա) գործուղման հետ կապված ծախսերը կատարել՝
- Մհեր Գրիգորյանինը և Դավիթ Գևորգյանինը՝ ՀՀ 2020 թվականի պետական բյուջեով ՀՀ վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին.
- Նաիրա Կարապետյանինը՝ ՀՀ 2020 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.
- Լիանա Կուսիկյանինը՝ ՀՀ 2020 թվականի պետական բյուջեով հաստատված՝ ՀՀ պետական եկամուտների կոմիտեի կողմից կատարվող՝ 1023 ծրագրի 11001 միջոցառման գծով արտասահմանյան գործուղումների համար նախատեսված միջոցների հաշվին:
3. ՀՀ փոխվարչապետ Մհեր Գրիգորյանին՝ ապահովել գործուղումից վերադառնալուց հետո եռօրյա ժամկետում պատվիրակության՝ Ռուսաստանի Դաշնություն գործուղման արդյունքների մասին հաշվետվությունը ՀՀ վարչապետի աշխատակազմ ներկայացնելը:
