Օրերս ոստիկանության Գորիսի բաժնում օպերատիվ տեղեկություններ էին ստացվել, որ Տեղ գյուղի բնակիչներից մեկը Արցախից ապօրինի հատված վառելափայտ է տեղափոխում գյուղ։
Այս մասին տեղեկացնում են ոստիկանությունից:
Փետրվարի 7-ին ոստիկանները Տեղ գյուղի տներից մեկի բակում հայտնաբերեցին բնակչի մեքենան, որի թափքին բարձված էր մոտ 8 խմ թեղի ծառի վառելափայտ։
Ըստ մեքենայատիրոջ հայտարարության՝ փայտը նա հատել էր Արցախի տարածքից։
Մեքենան տեղափոխվել է ոստիկանության Գորիսի բաժնի պահպանվող հատուկ տարածք։
Վնասի չափը պարզվում է։ Հանգամանքները պարզվում են։
Նախապատրաստվում են նյութեր։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
