Երևանի քաղաքապետարանը տեղեկացնում է, որ ներհամայնքային միկրոավտոբուսային համար 49 երթուղին սպասարկող ընկերության կողմից երթուղու սպասարկումից հրաժարվելու պատճառով փետրվարի 1-ից կդադարեցվի միկրոավտոբուսային համար 49 երթուղու գործունեությունը:
Նշված երթուղուց օգտվող քաղաքացիների տրանսպորտային սպասարկումն ապահովելու նապատակով ժամանակավորապես, փորձնական կարգով, երթուղին կսպասարկվի «Բասլենդ» ՍՊԸ-ին պատկանող «ՄԱՆ» մակնիշի (2 հատ) և «Մերսեդես Բենց» մակնիշի (1 հատ) ավտոբուսներով: Տարվում են նաև աշխատանքներ՝ առաջիկայում երթուղին համալրելու ուղղությամբ:
Քաղաքապետարանը սկզբնական շրջանում պատճառվող անհարմարությունների համար հայցում է համաքաղաքացիների ներողամտությունը:
