Վարչապետի աշխատակազմի ղեկավար Էդուարդ Աղաջանյանը կառավարության հավանությանն է ներկայացրել որոշման նախագիծ, որով նախատեսվում է Սուրեն Թովմասյանին նշանակել կադաստրի կոմիտեի ղեկավար:
Նա Ճարտարապետության և շինարարության Հայաստանի ազգային համալսարանում դասախոս է աշխատում։
Վարչապետ Նիկոլ Փաշինյանը նշեց, որ Թովմասյանը ընտրվել է կադրային բանկից։
«Մոտ 1 տարի առաջ էի իմ տեսլականը ուղարկել, գիտեի, որ իմ դիմումը անպատասխան չի մնա»,-նշեց Սուրեն Թովմասյանը։
Պաշտոնյայի կենսագրությունը
Հիշեցնենք, որ այդ պաշտոնը նախկինում զբաղեցնում էր Սարհատ Պետրոսյանը, որը հրաժարական է ներկայացրել։
«Որպես պատճառ նշել եմ, որ չեմ կիսում մեր կառավարության քաղաքականությունն ու առկա մոտեցումները քաղաքաշինության բնագավառում, որն ինձ համար ներառում է նաև կադաստրի ոլորտը։ Հուսով եմ, որ արդեն հանրային այս հայտարարությունից հետո կառավարության առաջիկա նիստում կբավարարվի խնդրանքս»,-նշել էր նա։
