Այս տարվա Սբ.Ծննդյան տոնավաճառը նոր տնակներ է ունենալու և կազմակերպվելու է Հանրապետության հրապարակի գլխավոր տոնածառին հնարավորինս մոտ՝ Երևանի 2750-ամյակի այգում (Պարոնյանի թատրոնի առջև):
Տոնավաճառի մասին Իրավաբան.net-ը տեղեկանում է Երևանի ավագանու անդամ Իզաբելլա Աբգարյանից։
«Այն համալրելու է ընդհանուր տոնակատարությունների տրամաբանությունը. շատրվանների ամբողջ երկայնքով բեմ է կառուցվելու, որտեղ ելույթ կունենան տարբեր խմբեր, կատարողներ: Իսկ երկու կողմում գտնվող տնակներում կլինի ավանդական տոնավաճառը: Հեքիաթային միջավայր է լինելու։
Տեղեկացնեմ նաև, որ ի տարբերություն նախկինի, այս տարի տոնավաճառի տնակները ոչ թե մասնավորն է վարձակալության տրամադրելու, այլ՝ Երևան քաղաքը: Վարձակալության կարգի մասին կտեղեկացվի ավելի ուշ:
Իսկ Հյուսիսային պողոտայում կլինի յուրահատուկ տոնածառների շքերթ֊ցուցադրություն»,-նշում է նա։
