Ջրի ազգային խորհուրդը կլուծարվի: Ազգային ժողովն ընդունել է օրենքի նախագիծը երկրորդ ընթերցմամբ և ամբողջությամբ: Կառույցի գործառույթները կփոխանցվեն Շրջակա միջավայրի նախարարությանը:

Օրինագծի ընդունմանը կողմ է քվեարկել 100 պատգամավոր:

Նշենք, որ ջրի ազգային խորհուրդը ջրային ռեսուրսների կառավարման բնագավառում բարձրագույն խորհրդատվական մարմին էր, որը միջբնագավառային մասնակցության միջոցով քննարկում և առաջարկություններ էր ներկայացնում ջրի ազգային քաղաքականության, ջրի ազգային ծրագրին ու բնագավառին վերաբերող այլ իրավական ակտերի վերաբերյալ: Խորհրդի լիազորությունները սահմանված էին ՀՀ ջրային օրենսգրքով։