Գլխավոր դատախազ Գոռ Աբրահամյանը տեղեկացնում է, որ ՀՀ գլխավոր դատախազությունը ուսումնասիրության էր առել ֆեյսբուքյան օգտատեր Վարդուհի Իշխանյանի 29.10.2019թ. իր ֆեյսբուքյան էջում արված գրառման վերաբերյալ որոշ ԶԼՄ-ներում արված հրապարակումները, ինչպես նաև այդ գրառման կապակցությամբ ՀՀ ԱԺ պատգամավոր Արման Բաբաջանյանի կողմից ՀՀ գլխավոր դատախազին ուղղված դիմումը:
«Արդյունքում այսօր՝ նոյեմբերի 4-ին, ՀՀ գլխավոր դատախազի հանձնարարությամբ գրառման վերաբերյալ ԶԼՄ հրապարակումները և ներկայացված դիմումն ուղարկվել են ՀՀ ոստիկանության կազմակերպված հանցավորության դեմ պայքարի գլխավոր վարչություն՝ դրանցում ներկայացված հանգամանքների կապակցությամբ ստուգողական գործողություններ կատարելու հանձնարարությամբ»,-նշել է նա:
Հիշեցնենք, որ Վարդուհի Իշխանյանը ֆեյսբուքյան իր էջում գրել էր, որ Արման Բաբաջանյանը ու Նաիրի Հունանյանը 1998-ին աշխատել են միասին՝ Կարեն Դեմիճյանի շտաբում։
