Հայաստանի ֆուտբոլի ֆեդերացիայի հոկտեմբերի 31-ին տեղի ունեցած կարգապահական և էթիկայի կոմիտեի նիստի ընթացքում որոշում է կայացվել «Փյունիկ» թիմի ֆուտբոլիստ Էրիկ Վարդանյանին որակազրկելու 6 ամսով մինչև 2020 թվականի ապրիլի 30-ը, Փյունիկ Ֆուտբոլային Ակումբ Հասարակական կազմակերպություն ակումբին տուգանել 600 հազար դրամով:
Նա կարգապահական պատասխանատվության է ենթարկվել հոկտեմբերի 27-ին «Արարատ»-«Փյունիկ» (ԲԽ057) խաղի ընթացքում մրցավարին հայհոյելու և հրելու, մարզադաշտը լքելիս հանդերձարան տանող ճանապարհի դռանը հարվածելու և կոտրելու, անվայել վարքագծի ու ոչ մարզական պահվածքի համար:
