Արդարադատության նախարար Ռուստամ Բադասյանը հրապարակել է կալանավորներից մեկի հաղորդագրությունը և նշել, որ հոկտեմբերի 15-ից «Նուբարաշեն» ՔԿՀ-ում, իսկ հոկտեմբերի 16-ից էլ՝ «Արմավիր» ՔԿՀ-ում փորձնական ծրագիր է սկսվել՝ ՔԿՀ-ներում պահվող անձանց սննդով ապահովելու գործառույթը պատվիրակելով մասնավոր ընկերությանը:
««Նուբարաշեն»-ում պահվում է 367 անձ. 2019 թվականի հոկտեմբերի 17-ի դրությամբ, նրանցից 367-ն էլ օգտվել է սննդից, այն դեպքում, երբ մինչև այս ծրագրի մեկնարկը, օրինակ՝ հոկտեմբերի 14-ին, ՔԿՀ-ի կողմից տրամադրվող սննդից օգտվել էր 300 անձ:
«Արմավիր» ՔԿՀ-ում պահվում է 708 անձ. նրանցից 654-ը երեկ՝ ծրագրի մեկնարկի օրը, օգտվել է նախաճաշից, իսկ ճաշից օգտվողների թիվն ավելի մեծ է եղել՝ 695: Կրկին համեմատության համար նշեմ, որ հոկտեմբերի 14-ին, երբ դեռ ծրագրը չէր մեկնարկել, և սնունդը տրամադրվում էր ՔԿՀ-ի կողմից, սննդից օգտվել էր 550 անձ:
Հուսամ, այս ծրագիրը կնպաստի հանձնուքների թվի նվազմանն ու ՔԿՀ-ներում պահվող անձանց ընտանիքների՝ այս առումով հոգսի թեթևացմանը»,-նշում է նա։
![Нет описания фото.](https://scontent.fevn1-4.fna.fbcdn.net/v/t1.0-9/73014248_2624505157600903_8005000723920060416_n.jpg?_nc_cat=108&_nc_oc=AQnXxthmJ5n3SfU8DI_2KhAXD7H26mV6VaIP48LzuALRU44kQ4rKZInJAOPv5ilGRBk&_nc_ht=scontent.fevn1-4.fna&oh=08633fd5686fc4c190713b500e1cbe67&oe=5E5EBF56)
Ռուստամ Բադասյանը հումորով անդրադարձել է նաև նկարին․ «Մեզ նույնիսկ «սպառնում» են»։
![На изображении может находиться: еда](https://scontent.fevn1-1.fna.fbcdn.net/v/t1.0-9/72446152_2624505160934236_6150826989633667072_n.jpg?_nc_cat=109&_nc_oc=AQlUDDgzoYVumnYDMX9AXLo1o_kzAvc8FqfsZ-AWZ8cQJbXXxDz7U84C33de76VbU0Q&_nc_ht=scontent.fevn1-1.fna&oh=dbc091b451a11e52f56fa39b71180e24&oe=5E28815E)