Հաշվի առնելով վերջերս քաղաքացիների կողմից ստացվող բազմաթիվ բողոքները՝ կապված Աբովյան քաղաքից դեպի Երևան ուղևորափոխադրումներ իրականցնող միջմարզային թիվ 259, 261 և 267 երթուղիների չվացուցակների խախտման և հատկապես երեկոյան ժամերին չվերթների ժամանակացույցի չպահպանման հետ, Կոտայքի մարզպետ Ռոմանոս Պետրոսյանը դիմել է ՏԿԵՆ և Քաղաքաշինության, տեխնիկական և հրդեհային անվտանգության տեսչական մարմին:
«Առաջարկել եմ երթուղիների աշխատանքի կարգավորման նպատակով կատարել համապատասխան ուսումնասիրություններ և արդյունքների մասին ներկայացնել տեղեկատվություն, որից հետո միջոցներ կձեռնարկվեն իրավիճակը շտկելու ուղղությամբ:
Արդյունքների մասին կտեղեկացնեմ լրացուցիչ»,-նշել է նա:
