Սեպտեմբերի 30-ին, ժամը 15.10-ին, հիվանդանոցից ոստիկանության Նոր Նորքի բաժին հաղորդում է ստացվել, որ «աջ ազդրի կտրած վերք» ախտորոշմամբ բուժօգնության է տեղափոխվել 15-ամյա պատանի: Ըստ բժշկի տեղեկանքի՝ նա ի վիճակի չի եղել բացատրություն տալու:
Պարզվել է, որ պատանին վնասվածքը ստացել է Աճառյան փողոցում անհայտ անձի կողմից դանակահարվելու հետևանքով:
Նշանակվել է ԴԲՓ:
Այս մասին տեղեկանում ենք ոստիկանությունից:
Ոստիկանության Ավանի բաժանմունքի ծառայողները, իրացնելով օպերատիվ տվյալները, Նոր Նորքի բաժնի ծառայողների հետ համատեղ ձեռնարկած միջոցառումների և բացատրական աշխատանքների շնորհիվ նույն օրը, ժամը 22.00-ին, բաժին են ներկայացրել 16-ամյա պատանուն, որտեղ նրա մոտից հայտնաբերվել է դանակ:
Կատարվում է նախաքննություն:
