Շիրակի մարզի ընդհանուր իրավասության դատարանը այսօր՝ սեպտեմբերի 27-ին, բավարարեց Շիրակի մարզի դատախազության միջնորդությունը և 2 ամսով կալանավորեց «Վերածնունդ» միջազգային մրցույթ-փառատոն» ՀԿ նախագահ, Կոմիտասի անվան կոնսերվատորիայի Գյումրու մասնաճյուղի նախկին տնօրեն Կարինե Ավդալյանին։
Նրան մեղադրանք է առաջադրվել առանձնապես խոշոր չափերով յուրացման, խարդախության և փաստաթղթեր կեղծելու համար։ Նա դատարանից կտեղափոխվի Աբովյանի քրեակատարողական հիմնարկ։
