Արդարադատության նախարար Ռուստամ Բադասյանը, այսօր՝ սեպտեմբերի 27-ին լրագրողների հետ զրույցում անդրադարձավ դատաիրավական բարեփոխումների ռազմավարությանը:
Նախարարը նշեց, որ 2020 թվականի փետրվարին ձևավորվելու է մասնագիտական խումբ, որը զբաղվելու է սահմանադրական փոփոխությունների նախագծմամբ:
«Այն լինելու է շատ ապաքաղաքական կառույց և ձևավորվելու է բացառապես մասնագիտական հիմքով: Մենք ունենք շատ վատ փորձ, երբ իշխող իշխանությունը ինքն է որոշում ինչը փոխել դատական համակարգում: Մենք նույն ճանապարհով չենք գնալու և թողնելու ենք որպեսզի մասնագիտական հանրույթը ինքը որոշի»,-նշեց նա :
Ռուստամ Բադասյանը անդրադարձավ նաև սահմանադրական դատարանի նախագահ Հրայր Թովմասյանի լիազորությունների դադարեցման նախագծին նշելով, որ կան խնդիրներ որոնք արձանագրվել են խորհրդարանի կողմից, Հրայր Թովմասյանը թույլ է տվել էական կարգապահական խաղտում և Ազգային ժողովը օգտվելով սահմանադրությամբ իրեն վերապահված լիազորություններից ներկայացրել է համապատասխան փաստաթուղթը:
