ԵԱՏՄ երկրներից դեպի Սինգապուր արտահանումները կազատվեն մաքսատուրքից, կառավարության նիստում հայտնել է էկոնոմիկայի նախարար Տիգրան Խաչատրյանը։
ԵԱՏՄ անդամ երկրների և Սինգապուրի միջև համապարփակ տնտեսական գործակցության մասին շրջանակային համաձայանգրի միասնական փաթեթը մշակվել է ԵԱՏՄ բարձրագույն խորհրդի որոշման համաձայն։ Համաձայնագրով նախատեսվում է խթանել ապրանքների և ծառայությունների առևտրուրը:
«Համաձայնագրով ամրագրվում է ապրանքների ազատ առևտրի կնքման կողմերի մտադրությունը։ Սինգապուրի հետ անցկացվել է բանակցային 7 փուլ, նպատակն է եղել ձևավորել պայմանավորվածությունների փաթեթ։ Համաձայնագրի նպատակն է ստեղծել շահավետ պայմաններ և միջավայր՝ փոխադարձ առևտրային հարաբերությունների զարգացման համար», – ասել է Խաչատրյանը։
Նախարարը նշել է, որ համաձայնագրի ուժի մեջ մտնելու պահից Սինգապուրը պարտավորվում է ներմուծման մաքսատուրքեր չկիրառել ԵԱՏՄ երկրների արտադրանքի համար։
Կառավարությունը հավանություն է տվել ներկայացված նախագծին։
ԵԱՏՄ անդամ 5 պետությունը՝ Հայաստանը, Բելառուսը, Ղազախստանը, Ղրղզստանը և Ռուսաստանն արդեն ունեն անդամ երկրներ ապրանքների արտահանման և ներմուծման ընթացակարգեր:
