Պաշտպանության նախարար Դավիթ Տոնոյանը կառավարության հավանությանը կներկայացնի «Զորահավաքային նախապատրաստության ու զորահավաքի գործըն­թացում պետական և տեղական ինքնակառավարման մարմիննե­րի, կազմակերպությունների համաձայնեցված գործունեության կազմակերպման նպատակով ուսումնավարժական հավաքներ և պարապմունքներ անցկացնելու մասին» կառավարության որոշման նախա­գիծը:

Նախագծով նախատեսվում է 2019 թվականի սեպ­տեմ­բերի 24-ից հոկտեմբերի 5-ը ՀՀ տարածքում ՀՀ զին­ված ուժերի, պե­տական կառավարման և տեղական ինք­նա­կա­ռա­վարման մար­մինների կազմով, ռազմա­վա­րա­կան զո­րա­վարժութ­յուն­ների համատեքստում, անց­կաց­նել զորա­հա­վաքային պատ­րաս­տության միջո­ցա­ռում­ներ: Նախա­գծին կից ներկայացված տե­ղե­կանքի հա­մաձայն նախա­գծի ընդունումը ենթադրում է ՀՀ 2019 թվականի պետա­կան բյու­ջեից պետական կառա­վար­­ման և տեղական ինք­նա­կա­ռա­վարման մարմին­նե­րին լրա­ցուցիչ միջոցների հատ­կաց­ման անհրա­ժեշ­տութ­յուն:

Նախագծի հիմնավորման մեջ նշվում է, որ կառավարության նախագծի նպատակն է՝ որոշել պետական և տարածքային կառավարման մարմինների, տե­ղա­կան ինք­նա­­­կա­ռա­վար­ման մարմինների և կազմակերպությունների պատրաստությունը և ունակությունը՝ պայմանական իրադրության պայմաններում զինված ուժերը և այլ զորքերը պատերազմական ժամանակաշրջանի կազմի և կառուցվածքի փոխադրման համար անհրաժեշտ պահեստազորայիններով ու տրանսպորտային միջոցներով ապահովելու գործընթացում: