Ազգային ժողովի պատգամավորներ Սերգեյ Բարգրատյանը և Հովհաննես Հովհաննիյսանը Ազգային ժողով են ներկյաացրել նոր օրինագիծ, որովառաջարկում է են «Առևւտրի և ծառայությունների մասին»  օրենքում լրացումներ կատարելու մասին նախագիծ, որը նպատակ ունի կանոնակարգել սպառողների ժամանցի եւ հանգստի անցկացման պահանջների բավարարմանն ուղղված մերսման ծառայությունների կազմակերպումը:

Նախագծով առաջարկվում է մերսման սրահներն ընդգրկել սահմանափակման ենթակա գործունեության օբյեկտների շարքում` կանոնակարգելով բազմաբնակարան շենքերում գործող մերսման ծառայություններ մատուցող օբյեկտների գործունեությունը, մասնավորապես` վերջիններիս տեղակայումը:

Ըստ այդմ, նախագծով նախատեսվում է.

• ընդգրկել մերսման սրահները սահմանափակման ենթակա ծառայության օբյեկտների շարքում

• սահմանել «մերսման սրահ» հասկացությունը:

Նախագծով առաջարկվող իրավակարգավորումների արդյունքում

• Կարգելվի մերսման սրահների տեղակայումն բազմաբնակարան շենքի բնակելի եւ (կամ) ոչ բնակելի տարածքում, ինչպես նաեւ կրթական եւ պատմամշակութային հաստատությունների, պետական եւ տեղական ինքնակառավարման մարմինների վարչական շենքերի, բժշկական հաստատությունների տարածքներում:

• Համայնքի ավագանին կսահմանի մերսման սրահի տեղակայմանը, այսինքն` հեռավորությանը ներկայացվող պահանջները:

• Մերսման սրահների գործունեության թույլտվությունը տրամադրելու իրավունքը կվերապահվի համայնքի ղեկավարին, իսկ Երեւան քաղաքում` Երեւանի քաղաքապետին:

Մանրամասները՝ տեսանյութում