Իրավաբան.net-ը հայտնում է, որ կրթության, գիտության, մշակույթի և սպորտի նախարար Արայիկ Հարությունյանը ստորագրել է 405-Ն հրամանը, որով հաստատվել է օտար լեզվի ընտրության կարգը:
1) Հանրակրթական հիմնական ընդհանուր պետական ծրագրեր իրականացնող ուսումնական հաստատություններում դասավանդվում է երկու օտար լեզու, որոնցից առաջինը ռուսերենն է, երկրորդը` անգլերեն, ֆրանսերեն, գերմաներեն կամ որևէ այլ լեզու:
2) Հաստատության ընտրությամբ երրորդ օտար լեզու (բացի ռուսերենից և մյուս օտար լեզվից) կարելի է դասավանդել դպրոցական բաղադրիչի ժամաքանակի հաշվին՝ 5-9-րդ դասարաններում (շաբաթական 1.5 կամ 2 ժամ) և 10-12-րդ դասարաններում (շաբաթական 2 ժամ)՝ Նախարարության կողմից հաստատված չափորոշիչների և ծրագրերի, ուսումնական գրականության հիման վրա, ուսուցման համար անհրաժեշտ պայմանների առկայության դեպքում:
Նախարարության կողմից՝ Հաստատության մանկավարժական խորհրդի և ըստ Հաստատության ենթակայության լիազոր մարմնի առաջարկությունների հիման վրա, կարող է փոխարինվել Հաստատությունում դասավանդվող երկրորդ օտար լեզուն (անգլերեն, ֆրանսերեն, գերմաներեն և այլն) այլ օտար լեզվով, ինչպես նաև որոշվել նոր հիմնադրված Հաստատությունում դասավանդվող երկրորդ օտար լեզուն:
Հրամանը ստորագրվել է հուլիսի 27-ին, ուժի մեջ կմտնի օգոստոսի 25-ին:
Կարող եք կարդալ նաև՝
- Արայիկ Հարությունյանի հրամանով սահմանվել են առարկաներին տրվող ժամերի քանակները
- Արայիկ Հարությունյանի հրամանով հաստատվել են երաժշտական, արվեստի, գեղարվեստի և պարարվեստի դպրոցների 2019-2020 ուսումնական տարվա օրինակելի ուսումնական պլանները
- Դպրոցներում ե՞րբ են սկսվում և ավարտվում պարապմունքները, որքա՞ն է դասաժամի տեևողությունը և ինչպիսի՞ գնահատման համակարգ կգործի
- Արայիկ Հարությունյանի հրամանով սահմանվել են դպրոցականների արձակուրդների օրերը
- Արայիկ Հարությունյանի հրամանով սահմանվել են դպրոցականների արձակուրդների օրերը
