Իրավաբան.net-ին քննչական կոմիտեի մամուլի ծառայությունից հայտնում են, որ Ժուռնալիստների միության նախկին նախագահ, Երևանի ավագանու նախկին անդամ Աստղիկ Գևորգյանին մեղադրանք է առաջադրվել:
Աստղիկ Գևորգյանին մեղադրանք է առաջադրվել քրեական օրենսգրքի 325-րդ հոդվածի առաջին մասի՝ իրավունք վերապահող կամ պատասխանատվությունից ազատող վկայական կամ պաշտոնական այլ փաստաթուղթ կեղծելը կամ նույն նպատակներով կեղծ կնիքներ, դրոշմներ, ձևաթղթեր, տրանսպորտային միջոցների հաշվառման համարանիշներ պատրաստելու համար:
Նշենք, որ խափանման միջոց է ընտրվել ստորագրությունը՝ չհեռանալու մասին:
