Կրթության, գիտության, մշակույթի և սպորտի նախարա Արայիկ Հարությունյանը լուսանկարներ է տարածել, որոնց համաձայն առաջիկայում նման դպրոցներ և քոլեջներ/ուսումնարաններ կկառուցվեն Հայաստանի տարբեր մարզերում:
«Մի քանի ամիս առաջ իմ էջում տեղադրեցի ֆիզիկական վատ պայմաններ ունեցող դպրոցների լուսանկարներ, որոնց վերանորոգումը նախատեսում էինք սկսել այս տարի:
Այժմ տեղադրում եմ լուսանկարներ, թե ինչպիսին են լինելու այդ դպրոցները հիմնանորոգումից հետո (լուսանկարներում՝ Ա․Ղարիբյանի անվան թիվ 142 դպրոցի ներկան ու ապագան):
Բովանդակային փոփոխություններին զուգահեռ մենք կարևոր ենք համարում շենքային պայմանների բարելավումը, որովհետև մեր երեխաներն արժանի են լավագույն միջավայրի: Ստեղծելով ուսանելու համար գերազանց պայմաններ` գերազանց արդյունքներ ենք ակնկալում մեր աշակերտներից»,-նշում է նա:
