«Ականատես»-ի դիտորդները այս պահին իրականացնում են ՏԻՄ արտահերթ և հերթական ընտրությունների դիտարկում՝ Արարատի մարզի Դվին, Արմավիրի մարզի Ապագա, Նորակերտ, Գեղարքունիքի մարզի Գեղհովիտ, Ծովասար, Կոտայքի մարզի Աբովյան, Սյունիքի մարզի Գորայք, Շիրակի մարզի Անուշավան, Սպանդարյան, Փանիկ և Տավուշի մարզի Ազատամուտ համայնքներում:
- Ժամը 07։00-ի դրությամբ դիտարկված տեղամասերից 2-ում (5.13%-ում) արձանագրվել է չհրկիզվող պահարաններին ներկայացվող պահանջների խախտում։ 1 տեղամասում դիտորդը արձանագրել է, որ պահարանը բաց է։
- Վիճակահանության կարգի խախտում է արձանագրվել տեղամասերի 7․69%-ում։
- Տեղամասերի 66․67%-ը դեռ շարունակում է մնալ դժվարամատչելի հաշմանդամություն ունեցող ընտրողների համար։
- Տեղամասերից մեկում քվեարկության սենյակի կահավորանքը հնարավորություն չի ընձեռում պատշաճ կերպով դիտարկելու քվեարկության ընթացքը։
- Տեղամասերի 97․44%-ը քվեարկության համար բացվել է ժամը 8։00-ին։ Միայն մեկ տեղամասում քվեարկությունը սկսվել է ժամը 8։02-ին:
