Երևանի քաղաքապետ Հայկ Մարությանը մայիսի 17-ին կարգադրություն է ստորագրել, որում ասվում է.
«Ղեկավարվելով «Երևան քաղաքում տեղական ինքնակառավարման մասին» օրենքի 50-րդ հոդվածով և 52-րդ հոդվածի 12-րդ մասով.
1.Հանձնարարել Երևանի քաղաքապետարանի աշխատակազմի վերահսկողության վարչության պետին՝ 2019 թվականի մայիսի 23-ից մինչև հունիսի 24-ը իրականացնել Երևանի «Փարկինգ Սիթի Սերվիս» փակ բաժնետիրական ընկերության (այսուհետ՝ Ընկերություն) գործունեության ուսումնասիրություն։
2. Ուսումնասիրության իրականացման համար ստեղծել աշխատանքային խումբ՝ հետևյալ կազմով.
Աշխատանքային խմբի ղեկավար
- Արթուր Ավետիսյան – Երևանի քաղաքապետարանի աշխատակազմի վերահսկողության վարչության պետ
Աշխատանքային խմբի անդամներ
- Սերգեյ Եղիազարյան – Երևանի քաղաքապետարանի աշխատակազմի վերահսկողության վարչության պետի տեղակալ
- Արմեն Մելիքջանյան – Երևանի քաղաքապետարանի աշխատակազմի վերահսկողության վարչության գլխավոր մասնագետ
- Արմենուհի Մանուկյան – Երևանի քաղաքապետարանի աշխատակազմի վերահսկողության վարչության առաջատար մասնագետ
- Սուրեն Սարգսյան – Երևանի քաղաքապետարանի աշխատակազմի վերահսկողության վարչության առաջատար մասնագետ
Անհրաժեշտության դեպքում աշխատանքային խմբում կարող են ներգրավվել նաև համապատասխան մասնագետներ։
3. Ընկերության տնօրենին` ուսումնասիրության իրականացման ժամանակահատ-վածում աշխատանքային խմբին ապահովել անհրաժեշտ աշխատանքային պայմաններով և տեղեկատվությամբ։
4.Աշխատանքային խմբին՝ ուսումնասիրությունն ավարտելուց հետո արդյունքներն ամփոփել և հնգօրյա ժամկետում ներկայացնել Երևանի քաղաքապետին։
5. Սույն կարգադրության կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի վերահսկողության վարչության պետի վրա»:
