Երևանի քաղաքապետի մամուլի խոսնակ Հակոբ Կարապետյանը պարզաբանել է, որ Երևանի քաղաքապետ Հայկ Մարությանը նախօրեին «Երևանի ավտոբուս» ՓԲԸ-ի աշխատակազմին է ներկայացրել ընկերության պետի ժամանակավոր պաշտոնակատար Ռուբեն Սարգսյանին:
«Ընկերությունը 19 երթուղի է սպասարկում շուրջ 180 ավտոբուսով: Բացի այդ, ընկերության հավաքակայանում շուրջ 70 չօգտագործված ավտոբուս կա: Դրանք քաղաքապետի հանձնարարությամբ առաջիկայում գիծ դուրս կբերվեն՝ համալրելով քաղաքապետարանի կողմից սպասարկվող երթուղիների ցանկը: Մինչեւ մայրաքաղաքի նոր տրանսպորտային համակարգի ամբողջական ներդրումը, մինջանկյալ նոր երթուղիներ ու շարժակազմ կներգրավվի»,-նշում է նա:
Նրա խոսքով, երթուղիների ավելացմանն ու ընկերության գործառույթների ընդլայմանը զուգահեռ, «Երևան ավտոբուս»-ում տեղի կունենան փոփոխություններ, մասնավորապես, տեխնոլգիական վերազինման եւ նոր աշխատակիցների ներգրավման առումով:
«Ընկերությունում նախատեսվող փոփոխությունները, մասնավորապես, տնօրենի փոփոխությունը մտավախություն է առաջացրել որոշ վարորդների մոտ, որ դրանց հետեւանքով կվատթարանան նրանց աշխատանքային պայմանները: Հայկ Մարությանը վստահեցրել է աշխատակիցներին, որ կրճատումներ ու կադրային փոփոխություններ ընկերությունում չեն լինելու, աշխատանքի պայմանները ոչ միայն չեն վատթարանալու, այլեւ հակառակը՝ սպասվում են բարելավումներ կանոնավոր աշխատաժամանակի եւ վարձատրության մասով:
Այնուհանդերձ, այսօր առավոտյան ընկերության մի քանի վարորդներ հրաժարվել են դուրս գալ երթուղի՝ պահանջելով նախկին տնօրենի վերադարձը: Ժամը 9.00-ի դրությամբ , սակայն, երթուղիների կանոնավոր աշխատանքը վերականգնվել է»նշում է Հակոբ Կարապետյանը:
Հավելենք, որ այսօր՝ վաղ առավոտից «Երևանի ավտոբուս» ՓԲԸ–ի ավտոբուսների վարորդները հրաժարվում էին դուրս գալ երթուղի՝ պահանջելով, որ իրենց նախկին տնօրենը աշխատանքից չազատվի:
![](https://news.am/uploads/images/000000/1/26/52489232_2824854330889905_3722849812194787328_n.jpg)
![Ðа данном изобÑажении Ð¼Ð¾Ð¶ÐµÑ Ð½Ð°Ñ
одиÑÑÑÑ: на ÑлиÑе](https://scontent.fevn1-2.fna.fbcdn.net/v/t1.0-9/52598480_2824854307556574_9141203982427881472_n.jpg?_nc_cat=104&_nc_ht=scontent.fevn1-2.fna&oh=f9b56bbdc6c7fa192138583d1e941fd5&oe=5CF8AC05)
![Ðа данном изобÑажении Ð¼Ð¾Ð¶ÐµÑ Ð½Ð°Ñ
одиÑÑÑÑ: 7 Ñеловек, лÑди ÑлÑбаÑÑÑÑ, на ÑлиÑе](https://scontent.fevn1-1.fna.fbcdn.net/v/t1.0-9/52445449_2824834874225184_7885321765159698432_n.jpg?_nc_cat=101&_nc_ht=scontent.fevn1-1.fna&oh=27f6fcd9dd851887412b82539f13f310&oe=5CFDAB5C)
Լուսանկարները՝ Արթուր Սոլոմոնյանի ֆեյսբուքյան էջից: