Աշխատանքի և սոցիալական հարցերի նախարար Զարուհի Բաթոյանի ներկայացմամբ ՀՀ կառավարության հերթական նիստում հաստատվել է ընտանեկան և սոցիալական նպաստների իրավունք տվող ընտանիքի անապահովության սահմանային միավորի, ինչպես նաև ընտանեկան նպաստի, սոցիալական նպաստի և հրատապ օգնության չափերի վերաբերյալ որոշման նախագիծը:
2019 թվականին ընտանեկան, սոցիալական նպաստների և հրատապ օգնության չափերը մնում են անփոփոխ, դրանց վճարումներն ընթանալու են նույն կարգով:
Առաջիկայում կսկսվեն 2019թ. հունվար ամսվա ընտանեկան նպաստի, սոցիալական նպաստի և հրատապ օգնության տրամադրման աշխատանքները:
Աշխատանքի և սոցիալական հարցերի նախարարության հասարակայնության հետ կապերի բաժին
