Այսօր ԱԺ-ում քվեարկության դրվեց «Գովազդի մասին» օրենքում լրացումներ և փոփոխություններ կատարելու մասին օրենքի նախագիծը, որի հեղինակը «Ելք» խմբակցության պատգամավոր Հրաչյա Հակոբյանը:
Մինչ այդ մի քանի նախագծեր չէին ընդունվել, քանի որ Գալուստ Սահակյանը ձեռնպահ էր քվեարկել:
Հրաչյա Հակոբյանը դիմեց Գալուստ Սահակյանին. «Կարծում եմ՝ լավ առիթ է այս օրինագիծը ընդունենք, Գալուստ Գրիգորիչ ջան, խնդրում եմ այս անգամ քվեարկեք կողմ, կարծում եմ հրատապ է այս հարցը, քանի որ տեսնում եք՝ տոտալիզատորների գովազդները խեղդում են»:
Նախագիծը 52 կողմ քվեարկությամբ չընդունվեց: ԱԺ փոխնախագահ Միքայել Մելքումյանը առաջարկեց ևս մեկ անգամ քվեարկել: Սակայն մյուս փոխնախագահ Էդուարդ Շարմազանովը նշեց, թե եթե տեղից որևէ մեկը չի ասել, որ իր կոճակը չի աշխատել, ուրեմն կարիք չկա վերաքվեարկելու:
Արա Բաբլոյանն էլ ասաց, որ վերաքվեարկությունը օրենքի խախտում կլինի:
