Հայաստանի Հանրապետության փաստաբանների պալատը Ժնևի Հայաստան Հիմնադրամի (Շվեյցարիա) աջակցությամբ իրականացնում է «Անվճար իրավաբանական խորհրդատվություն» դրամաշնորհային ծրագիրը Գեղարքունիքի մարզում:
2018թ. նոյեմբեր ամսվա ընթացքում Գեղարքունիքի մարզի Սևան (նոյեմբերի 27-ին), Գավառ (նոյեմբերի 28-ին), Մարտունի (նոյեմբերի 29-ին) և Վարդենիս (նոյեմբերի 30-ին) համայնքներում քաղաքացիներին անվճար իրավաբանական խորհրդատվություն տրամադրելու համար ՀՀ փաստաբանների պալատը հայտարարում է փաստաբանների մրցույթ՝ Գեղարքունիքի մարզից (նշված համայնքներից) թվով 8 փաստաբաններ ընտրելու համար: Նշված համայնքներից յուրաքանչյուրում իրավաբանական խորհրդատվություն տրամադրելու համար նախատեսվում է ներգրավել երկուական փաստաբան:
Մրցույթին կարող են մասնակցել առնվազն 3 տարվա փաստաբանական գործունեության փորձ ունեցող քաղաքացիաիրավական ուղղվածության փաստաբանները Գեղարքունիքի մարզից:
Նախապատվությունը կտրվի Պալատի նմանատիպ ծրագրերին նախկինում չմասնակցած, ինչպես նաև համապատասխան համայնքներում գործող փաստաբաններին:
Յուրաքանչյուր համայնքում անվճար իրավաբանական խորհրդատվություն մատուցելու համար քաղաքացիների ընդունելությունը կկազմակերպվի նոյեմբեր ամսվա ընթացքում վերը նշված ժամանակացույցին համապատասխան՝ ընդամենը մեկ անգամ առավելագույնը 6 ժամ տևողությամբ:
Ծրագրում ընդգրկված յուրաքանչյուր փաստաբան կմասնակցի քաղաքացիների մեկանգամյա ընդունելությանը համապատասխան համայնքում, որի համար ծրագրով նախատեսված ծառայության վճարը կազմում է 25.000 ՀՀ դրամ (ներառյալ հարկերը և ՀՀ օրենսդրությամբ նախատեսված այլ վճարները):
Մրցույթին մասնակցելու համար անհրաժեշտ է ներկայացնել դիմում-հայտ (էլեկտրոնային նամակ)՝ կցելով Ձեր ինքնակենսագրությունը (CV) անգլերեն և հայերեն լեզուներով՝ այն ուղարկելով [email protected]էլեկտրոնային հասցեին:
Դիմում-հայտերը և կից փաստաթղթերը ՀՀ փաստաբանների պալատ կարող են ներկայացվել նաև փաստաթղթային եղանակով:
Դիմում-հայտի առարկայի տողում անհրաժեշտ է նշել այն համայնքը, որտեղ գործում է դիմող փաստաբանը:
Դիմում-հայտերի ընդունման վերջնաժամկետն է 2018 թվականի նոյեմբերի 7-ը:
Լրացուցիչ տեղեկությունների համար կարող եք կապ հաստատել ծրագրի համակարգող փաստաբան Լյուդվիկ Դավթյանի հետ:
