Ազգային ժողովը հրապարակել է հոկտեմբերի 2-ի աղմկահարույց արտահերթ նիստի տեսագրությունը՝ առանց ձայնի:
ԱԺ աշխատակազմի լրատվության և հանրության հետ կապերի վարչության ղեկավար Կնյազ Սարոյանը Իրավաբան.net-ի հետ զրույցում հայտնեց, որ տեխնիկական խնդիրներ կային դահլիճում, ձայնագրող սարքը չի աշխատել:
Կնյազ Սարոյանը սակայն հայտնեց, որ շուտով Ազգային ժողովի պաշտոնական կայքում կտեղադրվի նիստի սղագրությունը:
Հիշեցնենք, որ հոկտեմբերի 2-ին հրավիրված արտահերթ նիստում ԱԺ-ն ընդունեց «Ազգային ժողովի կանոնակարգ» սահմանադրական օրենքում փոփոխություններ կատարելու մասին վիճահարույց օրենքը:
