Սեպտեմբերի 30-ին, ժամը 23:20-ին «911» ծառայությանն ահազանգ է ստացվել, որ Երևան քաղաքի Սարկավագի փողոցի թիվ 131/2 շենքի բնակարաններից մեկի բնակիչը սուր ծակող գործիքով (դանակ կամ մկրատ) վնասել է իրեն. անհրաժեշտ է օգնություն:
Այս մասին տեղեկանում ենք Արտակարգ իրավիճակների նախարարությունից։
Դեպքի վայր են մեկնել ՀՀ ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հրահանգիչը:
Պարզվել է, որ Տ. Վ.-ն (ծնված 1990 թ., ՌԴ քաղաքացի) վիճաբանել է ամուսնու հետ և վնասել ձեռքի մատը։ Հոգեբանական աջակցության բաժնի հրահանգիչը Տ. Վ.-ին ցուցաբերել է հոգեբանական աջակցություն։
