Էջմիածնի քաղաքապետի ժամանակավոր պաշտոնակատար Դիանա Գասպարյանը գրում է.
«Արամ Մանուկյան թաղամասի հարգելի՛ բնակիչներ,
Երեկ տեղի ունեցած նիստում ՀՀ կառավարությունը հավանություն տվեց այն որոշման նախագծին, որով, ի թիվս այլոց, նախատեսված է կոյուղագծեր անցկացնել ձեր թաղամասում: Ծրագիրն իրականացվում է Կառավարության միջոցներով և համայնքի՝ 20%-ի չափով համաֆինանսավորմամբ: Սա խոստում էր, որ պաշտոնավարման առաջին օրերին տվել էի Արամ Մանուկյան թաղամասի բնակիչներին և որն իրագործելն ինձ համար պատվի հարց էր:
Այսպես, մինչև 2018 թվականի ավարտը Արամ Մանուկյան թաղամասը կունենա կոյուղի, իսկ 2019 թվականից սկսած կնախաձեռնվեն դրա բարեկարգման աշխատանքներ: Քաղաքի համաչափ զարգացումը և ծայրամասերի բարեկարգումը լինելու է մեր առաջնահերթություններից»:
