Վարչապետ Նիկոլ Փաշինյանը որոշում է ընդունել՝ Դավիթ Անանյանին Հունաստան գործուղելու մասին։ Ստորև ներկայացնում ենք որոշումը։
«Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝
1. Հայաստանի Հանրապետության պետական եկամուտների կոմիտեի նախագահ Դավիթ Անանյանին 2018 թվականի սեպտեմբերի 18-22-ը գործուղել Հունաստանի Հանրապետություն՝ Սևծովյան առևտրի և զարգացման բանկի Աուդիտի կոմիտեի 80-րդ և Բանկի տնօրենների խորհրդի 120-րդ նիստերին (հանդիպումներին) մասնակցելու նպատակով:
2. Ընդունել ի գիտություն, որ Դավիթ Անանյանի՝ Հունաստանի Հանրապետություն (Հալկիդիկի թերակղզի) գործուղման հետ կապված ծախսերը կատարվելու են հրավիրող կողմի միջոցների հաշվին:
3. Հայաստանի Հանրապետության պետական եկամուտների կոմիտեի նախագահին՝ ապահովել գործուղումից վերադառնալուց հետո եռօրյա ժամկետում Հունաստանի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ ներկայացնելը»:
