Վանաձոր-Դիլիջան միջպետական ավտոճանապարհի 29–րդ կմ-ում՝ Ֆիոլետովո գյուղի մոտ, օգոստոսի 13-ին՝ ժամը 12։30-ի սահմաններում, տեղի է ունեցել քարաթափում, ինչի հետևանքով ճանապարհը միակողմանի փակվել էր։
Այս մասին հայտնում են տրանսպորտի, կապի և տեղեկատվական տեխնոլոգիաների նախարարությունից։
Ճանապարհահատվածը սպասարկող «Լոռի ՃՇՇ» ՓԲ ընկերության աշխատակիցների կատարած լայնածավալ մաքրման աշխատանքների արդյունքում ժամը 16։00-ից ճանապարհը երկկողմանի երթևեկելի է:
