ՀՀ 2-րդ նախագահ Ռոբերտ Քոչարյանը հեռացավ հատուկ քննչական ծառայության շենքից: Այս մասին Իրավաբան.net-ի հետ զրույցում հայտնեց ՀՔԾ մամուլի ծառայությունից Մարինա Օհանջանյան:
Նա նշեց, որ Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովը դեռ շենքում է, նրա մասնակցությամբ քննչական գործողությունները դեռ շարունակվում են:
Հիշեցնենք, որ ՀՀ 2-րդ նախագահ Ռոբերտ Քոչարյանը և Յուրի խաչատուրովը 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ քրեական գործով հարցաքննության էին հրավիրվել:
