Քրեակատարողական հիմնարկներում շարունակվում է դատապարտյալների ուսումնական գործընթացը: Հերթական ավարտական քննությունը քրեակատարողական հիմնարկում փաստում է այն մասին, որ Հայաստանում դատապարտյալներին իրենց ցանկության դեպքում տրվում է բարձրագույն կրթություն ստանալու հնարավորություն:
Այս մասին հայտնում են քրեակատարողական վարչությունից:
Հունիսի 8-ին «Արմավիր» քրեակատարողական հիմնարկում կազմակերպվեցին գործնական հոգեբանության և սոցիոլոգիայի «Ուրարտու» համալսարանի հոգեբանության և մանկավարժության ֆակուլտետի առաջին կուրսի ուսանող, ցմահ դատապարտյալ Աշոտ Մանուկյանի ավարտական քննությունները, որոնց ներկա էր «Ուրարտու» համալսարանի քննական հանձնաժողովը՝ հոգեբանության պրոֆեսոր Սեդրակ Սեդրակյանի գլխավորությամբ:
Նույն օրը հանձնաժողովի անդամները հանդիպեցին նաև «Ուրարտու» համալսարանի հայցորդ Արսեն Արծրունու հետ՝ քննարկելու վերջինիս թեկնածուական աշխատանքը:
