Քիչ առաջ «Սասնա ծռերի» անդամ Արեգ Կյուրեղյանը դատարանի նիստերի դահլիճից ազատ արձակվեց։
Երևան քաղաքի ընդհանուր իրավասության դատարանի Շենգավիթի նստավայրում դատավոր Մեսրոպ Մակյանը, վերադառնալով խորհրդակցական սենյակից, բավարարեց պաշտպանական կողմի ներկայացրած միջնորդությունը:
«Մեր միջնորդությունը բավարարվեց, որպես խափանման միջոց ընտրվեց անձնական երաշախավորությունը»,-Իրավաբան․net-ի հետ զրույցում նշեց նրա պաշտպան Մուշեղ Շուշանյանը։
Նշենք, որ Արեգ Կյուրեղյանի համար այսօր՝ հունիսի 6-ին, ԱԺ «Ելք» խմբակցության պատգամավորներ Հրաչ Հակոբյանը և Լենա Նազարյանը ներկայացրել էին անձնական երաշխավորություն:
Այժմ Արեգ Կյուրեղյանը գնում է Վերաքնիչ դատարան, որտեղ այս պահին ընթանում է Ժիրայր Սեֆիլյանի և մյուսների գործով դատական նիստը։
Հավելենք նաև, որ Կյուրեղյան եղբայրներից Հայկը ևս կալանավայրից դուրս է եկել: Նա իր պատիժը կկրի բաց ռեժիմով։
