ՀՀ առողջապահության նախարար Արսեն Թորոսյանը դիմել է բոլոր այն քաղաքացիներին, ովքեր առնչվել են առողջապահության նախարարության և դրա ենթակայության տակ գտնվող կառույցների շրջանակում կոռուպցիոն որևէ դրսևորման են հանդիպել։
«Խնդրում եմ բոլոր այն ֆիզիկական և իրավաբանական անձանց, ովքեր առնչվել են կամ այսուհետ կառնչվեն կոռուպցիոն որևէ դրսևորման հետ առողջապահության նախարարության կամ դրա ենթակայության տակ գտնվող կառույցների կողմից կատարվող գնումների, մրցույթների, լիցենզավորման և տեսչական գործընթացների ժամանակ, հայտնել ինձ դրա մասին [email protected] էլ-հասցեով։
Իմ նպատակը ԱՆ թափանցիկ և անխափան աշխատանքի ապահովումն է և դրա նկատմամբ հասարակության վստահության վերականգնումը:
Դիմումները անձամբ ուսումնասիրելուց հետո, կփոխանցեմ իրավապահ մարմիններին»,-գրում է Թորոսյանը։
