Ի՞նչ կենսագրություն ունի «Ելք» դաշինքի նոր պատագմավոր Հրաչյա Հակոբյանը

Այսօր՝ մայիսի 16-ին Կենտրոնական ընտրական հանձնաժողովը կազմել է արձանագրություն` Ազգային ժողովի «ԵԼՔ» կուսակցությունների դաշինքի թիվ 3 տարածքային ընտրական ցուցակներից ընտրված և լիազորությունները դադարած պատգամավոր, ներկայումս առաջին փոխվարչապետ Արարատ Միրզոյանի մանդատը նույն տարածքային ընտրական ցուցակների առավելագույն ձայներ ստացած հաջորդ թեկնածու Հրաչյա Հակոբյանին տալու վերաբերյալ:

Իրավաբան․net-ը ձեզ է ներկայացնում ԱԺ նոր պատգամավոր Հրաչյա Հակոբյանի կենսագրությունը։

Հակոբյանը ծնվել է 1980 թվականին Երևանում:

1997-ին ավարտել է Երեւանի Բենիամին Ժամկոչյանի անվան թիվ 119 միջնակարգ դպրոցը: 1998-2000թթ ծառայել է Սյունիքի մարզի Ագարակ գյուղի N զորամասում:

2001-2005թթ-ին սովորել եւ ավարտել է Երեւանի Թատրոնի եւ կինոյի պետական ինստիտուտի դերասանական բաժինը: Մասնագիտությամբ դերասան է:

2003-2007-թթ աշխատել է Երեւանի խամաճիկների պետական թատրոնում:

2008-2010թթ աշխատել է Երեւանի Կամերային երաժշտության թատրոնում:
Նկարահանվել է մի շարգ գեղարվեստական ֆիլմերում, ինչպես նաեւ հեռուստանախագծերում:

2002-2009թթ եղել է «Հայկական Ժամանակ» օրաթերթի տպագրության պատասխանատուն:

2009-2013թթ «Մեր տպարանը» ՍՊԸ փոխտնօրեն:

Քաղաքացիական պայմանագիր կուսակցությանը անդամակցում է 2016 թվականի օգոստոս ամսից:

2016 թվականի Արարատի մարզի Նոր Կյանք գյուղի ավագանու ընտրությունների ժամանակ եղել է ՔՊ թեկնածու Գարիկ Սարգսյանի շտաբի անդամ:
2003 թվականից ակտիվ մասնակցել է քաղաքացիական տարբեր նախաձեռնությունների:

2016 թվականի ապրիլյան քառօրյա պատերազմից հետո մայիս ամսին ՔՊ ջոկատի հետ եղել է Արցախում:

2017թ.-ի խորհրդարանական ընտրություններին ԵԼՔ դաշինքի կողմից առաջադրվել է որպես ԱԺ պատգամավորի թեկնածու թիվ 3 ընտրատարածքում (Շենգավիթ, Մալաթիա-Սեբաստիա)։

Ամուսնացած է ունի երկու զավակ:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել