Oրինապահ հարկ վճարողների շարքերը համալրվում են: Պետական եկամուտների կոմիտեի նախագահի առաջին տեղակալ Կարեն Բրուտյանը մայիսի 14-ին «օրինապահ հարկ վճարող» կարգավիճակը հաստատող հավաստագիր է շնորհել ևս 15 տնտեսվարողի: Այս մասին տեղեկանում ենք ՊԵԿ տեղեկատվության և հասարակայնության հետ կապերի բաժնից։

2018թ. տարեսկզբից առ այսօր օրինապահ հարկ վճարողի հավաստագրի ստացման դիմում է ներկայացրել 57 տնտեսվարող, որոնցից 40-ի դիմումը բավարարվել է: Մերժվել է 15 հարկ վճարողի դիմում, իսկ 5 հարկ վճարողի դիմում ուսումնասիրման փուլում է:

Հիշեցնենք, որ օրինապահ հարկ վճարողի հավաստագիր ստացած տնտեսվարող սուբյեկտների ցանկերը հրապարակված են հարկային մարմնի պաշտոնական կայքում՝ «Հարկային տեղեկատվություն» բաժնի «Հարկ վճարողների վերաբերյալ տեղեկատվական ցանկեր» ենթաբաժնում:

Օրինապահ հարկ վճարողների ցանկը․

1. «ՄԵԴՊՐՈ» ՍՊԸ
2. «ՖՈՐՍԱԺ» ՍՊԸ
3. «ՌՈՒԴԱՐՏ» ՍՊԸ
4. «ԷՆԵՐԳՈ ԻՆՎԵՍՏ ՀՈԼԴԻՆԳ» ՓԲԸ
5. «ՀՈՐԱՏԱՆՑՔ» ՍՊԸ
6. «ԲԵՏՈՆ» ԱԿ
7. «ՄԵԴՏԵԽՆԻԿԱ ՊԼՅՈՒՍ» ՓԲԸ
8. «ՀԱՑԱՌԱՏ-42» ՍՊԸ
9. «ԴԵԼԻԿՏ» ՍՊԸ
10. «ԱՓԹԱՅՄ» ՍՊԸ
11. «ՀԵՆՔ» ՍՊԸ
12. «ԱԼՏԱ ՎԻՊ» ՍՊԸ
13. «ԱՐՄԻՆԵ ԹՈՎՄԱՍՅԱՆ» ԱՁ
14. «ԱՐԿԱՐԱ» ՍՊԸ
15. «ԽԱՉՎԱՐ» ՍՊԸ