HSBC բանկը հայտարարություն է տարածել, ըստ որի, երեկ՝ մայիսի 3-ին բանկի վրա ավազակային հարձակման ժամանակ զոհված ու վիրավորված անձիք բանկի աշխատակիցներ չեն։
«Ինչպես երեկ տեղեկացրել ենք ս.թ. մայիսի 3-ին՝ ժամը 14:19-ի մոտակայքում, ավազակային հարձակում էր տեղի ունեցել էյչ-էս-Բի-Սի Բանկ Հայաստանի Երևանի Կոմիտաս մասնաճյուղի վրա (հասցե՝ Կոմիտաս պողոտա 3):
Ոստիկանության և անվտանգության ծառայություն մատուցող ընկերության աշխատողների օպերատիվ գործողությունների արդյունքում հարձակումը կասեցվել է: Ավազակային հարձակումն իրականացրած անձը բերման է ենթարկվել: Նա բանկի հաճախորդ չի հանդիսանում:
Բանկն իր ցավակցությունն ու զորակցությունն է հայտնում ավազակային հարձակման ժամանակ իրենց ծառայողական պարտականություններն իրականացնելիս զոհված անվտանգության ծառայություն մատուցող ընկերության աշխատակցի և ոստիկանի ընտանիքներին ու հարազատներին:
Հստակեցում՝ զոհված ու վիրավորված անձիք Բանկի աշխատակիցներ չեն, այլ անվտանգության ծառայություն մատուցող ընկերության և ոստիկանության աշխատողներ»,-ասված է հայտարարության մեջ:
