Մեր հայտարարած թավշյա, ոչ բռնի, ժողովրդական հեղափոխությունը շարունակվում է: Այս մասին Հանրապետության հրապարակում հայտարարեց թավշյա հեղափոխություն շարժման ղեկավար Նիկոլ Փաշինյանը:
Նա նշեց, որ նրանք պահանջում ենք ՀՀԿ-ի անվերապահ, առանց նախապայմանների կապիտուլյացիան:
«Ես հիմա 2 ժամով հեռանում եմ իմ գործերով, մի քանի կարևոր հանդիպումներ ունեմ: Հանարահավաքը մեկնարկում է ժամը 19:00-ին, մանրամասն ելույթ կունենամ հենց այդ ժամանակ: Մենք հաղթել ենք և վերջ»:
Փաշինյանի խոսքով՝ ցուցարարներին են միացել նաև ծառայության մեջ գտնվող ոստիկաններ. «Մեզ է միացել ոստիկանության կապիտան Գարիկ Թովմասյանը»:
«Ես աշխատանքից դուրս եմ եկել ու եկել այստեղ: Ուզում եմ կանգնել իմ ժողովրդի կողքին, ես չեմ կարող մահակով ու վահանով դուրս գալ իմ ժողովրդի դեմ: Հորդորում եմ արդեն նախկին աշխատանքային ընկերներիս միանալ մեզ»,-նշել է ծառայությունը թողած ոստիկանը:
Ցուցարարներին նա հորդորեց մնալ Հրապարակում:
