Ապրիլի 4-ին, ժամը 15։00-ին, ոստիկանության Մալաթիայի բաժնում, 1948 թ. ծնված Գոհար Մ.-ն հաղորդում է տվել, որ ապրիլի 2-ին, ժամը 14։00-ին, իր տանը, Գենա ներկայացած անձը բացահայտ հափշտակել է իր ոսկյա շղթան՝ խաչով և կախազարդով:
Այս մասին տեղեկանում ենք ոստիկանությունից։
Ոստիկանության ծառայողների օպերատիվ միջոցառումների շնորհիվ պարզվել է, որ Գենան օտարերկրյա քաղաքացի, գնչու՝ 1994 թ. ծնված Նիկոլայ Ֆ.-ն է:
Ապրիլի 5-ին, ժամը 10։30-ին, Բագրատաշենի անցակետից ոստիկանության ծառայողները բերման են ենթարկել Նիկոլայ Ֆ.-ին, որը խոստովանական բացատրություն է տվել, որ ապրիլի 2-ին, ժամը 14։00-ին, Երևանի Իսակովի պողոտայի 4/2 շենքի թիվ 47 բնակարանում բռնություն գործադրելով և դանակի սպառնալիքով Գոհար Մ.-ից հափշտակել է ոսկյա շղթա` խաչով և կախազարդով:
Փաստի առթիվ ՀՀ քրեական օրենսգրքի 175 հոդվածի 1-ին մասով հարուցվել է քրեական գործ:
Գողոնը մասամբ հայտնաբերված է: Նիկոլայ Ֆ.-ն ձերբակալվել է: Կատարվում է քննություն:
