ՀՀ արդարադատության նախարար Դավիթ Հարությունյանն այսօր՝ փետրվարի 20-ին ամփոփել է նախարարության 2017 թվականի գործունեությունը:
Նրա խոսքով նախարարությունը նախորդ տարի ունեցել է 6 գերակա խնդիր, 18 միջոցառում, իսկ աշխատանքի գնահատականը կազմել է 92,2 միավոր։
«2017թ-ի ամենակարևոր օրենսդրական աշխատանքը պայմանավորված է եղել սահմանադրական օրենքների ընդունմամբ։ Մենք պետք է այս ժամանակահատվածում ընդունեինք այս ժամանակահատվածում մի շարք սահմանադրական օրենքներ և այդ սահմանադրական օրենքներից 6-ը մշակվել և ընդունվել են առ այս պահը, իսկ Ազգային ժողովը քննարկում է վերջին սահմանադրական օրենքը՝ «Հանրաքվեի մասին օրենքը»»,-ներկայացրեց նախարարը։
Նախարարաը նաև նշեց, որ իրավական նորմատիվ ակտերի վերաբերյալ փորձագիտական եզրակացություններ տալու աննախադեպ թիվ է գրանցվել այս տարի՝ 6680-ը։
Որպես կարևորագույն փոփոխություն, նախարարը նշեց Դատական օրենսգրքի ընդունումն ու դատական համակարգի նոր կոնցեպտը։
«Մենք արդեն ստեղծել ենք Երևան քաղաքի ընդհանուր իրավասության մեկ դատարան և նպատակը եղել է դատավորների ծանրաբեռնվածությունը հավասարապես բաշխել՝ հաշվի առնելով այն հանգամանքը, որ վարչական շրջանների դատարաններում տարբեր գործերի հոսք կար և դատավորների գերծանրաբեռնվածություն էր որոշակի գորժերով, մյուսներով՝ թերծանրաբեռնվածություն»,-ասաց Դավիթ Հարությունյանը։
Արդարադատության նախարարը նաև նշեց, որ սա ունի հակակոռուպցիոն ուղղվածություն։
Մանրամասները՝ տեսանյութում
Ալիսա Չիլինգարյան
Ալեքսանդր Սարգսյան
