Երևանի ավագանու ՀՀԿ խմբակցության անդամ, ժողովրդական արտիստ Մարտին Վարդազարյանին ավագանու նիստերի դահլիճից տեղափոխել են հիվանդանոց: Այս մասին Երևանի քաղաքապետարանից հայտնում է Իրավաբան.net-ի լրագրողը:
Նշվում է, որ նա սրտի հետ կապված խնդիրներ է ունեցել, ինքնազգացողությունը վատացել է և տեղում գործող շտապօգնության մեքենան նրան տեղափոխել է հիվանդանոց:
Հիշեցնենք, որ Երևանի ավագանու «Երկիր ծիրանի» խմբակցության անդամները այսօր՝ փետրվարի 13-ին, ավագանու նիստի ժամանակ ծծմբական թթու պարունակող տիղմ էին բերել նիստերի դահլիճ:
Ներկաներից մի մասի ինքնազգացողությունը վատացել է, ավագանու անդամներին տարհանել էին նիստերի դահլիճից:
