Ռուսաստանում ՀՀ դեսպանության հյուպատոսական բաժնից տեղեկանում ենք, որ վերադարձի վկայական ստանալու համար` ժամկետանց կամ օգտագործման համար ոչ պիտանի oրինական փաստաթղթի դեպքում, անհրաժեշտ է ներկայացնել.
- 35×45 մմ չափսի երկու նույնական գունավոր լուսանկար,
- Ժամկետանց կամ օգտագործման համար ոչ պիտանի օրինական փաստաթուղթը
Պետական տուրքը կազմում է 1200 ռուբլի, Ժամկետանց կամ օգտագործման համար ոչ պիտանի անձնագիր կամ զինվորական գրքույկ չներկայացնելու դեպքում պետական տուրքը կազմում է 3700 ռուբլի ԽՍՀՄ նմուշի անձնագրի դեպքում անհրաժեշտ է ներկայացնել նաև ՌԴ քաղաքացիություն ունենալը ժխտող փաստաթուղթ:
ՀՀ քաղաքացի հանդիսացող երեխաների` ՀՀ քաղաքացու անձնագիր ստացած չլինելու դեպքում վերադարձի վկայական ստանալու համար անհրաժեշտ է ներկայացնել հետևյալ փաստաթղթերը.
- 35×45 մմ չափսի երկու նույնական գունավոր լուսանկար,
- Ծննդյան վկայական և պատճենը
- Ծնողի (ծնողների) անձնագրերը և անձնագրերի պատճենները
- Ծնողների ամուսնության վկայականը կամ հայրության ճանաչման վկայականը և պատճենները:
