ՀՀ Նախագահի՝ 2018 թվականի հունվարի 18-ի հրամանագրով՝ ՀՀ վարչական դատարանի նախագահ Կարեն Մաթևոսյանը, նույն դատարանի դատավորներ Կարինե Բաղդասարյանը և Կարեն Ավետիսյանը նշանակվել են ՀՀ վարչական վերաքննիչ դատարանի դատավորներ՝ դադարեցնելով պաշտոնավորումը ՀՀ վարչական դատարանում: Ձեզ ենք ներկայացնում Կարեն Մաթևոսյանի կենսագրությունը:
Ծնվել է 1961 թվականին Երևան քաղաքում։
1982 թվականին ավարտել է ԵՊՀ իրավաբանական ֆակուլտետը։
1985 թվականից մինչև 1994 թվականը աշխատել է Աշտարակի միջշրջանային դատախազության քննիչ, այնուհետև՝ Էջմիածնի միջշրջանային դատախազության քննիչ:
1997 թվականից մինչև 2001 թվականը աշխատել է ՀՀ Գլխավոր դատախազին առընթեր ՀԿԳ քննիչ։
2001 թվականից մինչև 2004 թվականը աշխատել է ՀՀ տնտեսական դատարանի դատավոր։
2004 թվականին ՀՀ Նախագահի հրամանագրով նշանակվել է ՀՀ արդարադատության խորհրդի անդամ։
2004 թվականից մինչև 2008 թվականը եղել է ՀՀ Կառավարությանն առընթեր Մաքսային պետական կոմիտեի նախագահի տեղակալ:
2008 թվականից մինչև 2009 թվականը զբաղեցրել է ՀՀ դատական դեպարտամենտի ղեկավարի պաշտոնը։
2009 թվականի փետրվարի 27-ին ՀՀ Նախագահի հրամանագրով նշանակվել է ՀՀ վարչական դատարանի դատավոր։
2010 թվականի դեկտեմբերի 13-ին ՀՀ Նախագահի հրամանագրով նշանակվել է ՀՀ վարչական դատարանի նախագահ։
