Իրանի դատական իշխանությունները հայտարարել են, վերջերս երկրում տեղի ունեցած ցույցերի ընթացքում զոհվել է 25 մարդ, ձերբակալվել 400 մարդ: Այս մասին հայտնում է «ՌԻԱ Նովոստի»-ն:
Ավելի վաղ հաղորդվում էր 20 զոհի և մոտ 450 ձերբակալվածի մասին:
Հիշեցնենք, որ Իրանի մի շարք խոշոր քաղաքներում, այդ թվում՝ Թեհրանում, անցած տարվա դեկտեմբերի 28-ից մի քանի օր շարունակ զանգվածային բողոքի ցույցեր էին տեղի ունենում՝ սոցիալական պահանջներով:
Իրանի նախագահ Հասան Ռոհանին հայտարարել է, որ ցույցերի պատճառը երկրում ներքին խնդիրներն էին, ինչպես նաև այլ երկրների կողմից հրահրումը:
