Հունվարի 12-ին, ժամը 23-անց 50-ի սահմաններում 1-02 զանգահարած քաղաքացին հայտնել է, որ Վահագնի թաղամասի տներից մեկում գողություն է եղել:
Այս մասին տեղեկացնում են ոստիկանությունից:
Ոստիկանության շրջիկ օպերատիվ խումբը ահազանգից րոպեներ անց դեպքի վայրում է եղել: Պարզվել է, որ նույն օրը ժամը 22-անց 40-ի սահմաններում անհայտ անձը կոտրել է տան խոհանոցի պատուհանը, մտել ներս ու գողացել տարբեր թանկարժեք իրեր:
![](https://iravaban.net/wp-content/uploads/2018/01/26855728_1571403649622032_821480658_n.png)
Տանը ոչ մեկ չէր եղել, գործել էր հակաառևանգման համակարգը, ազդանշանը ստացվել էր տանտիրոջ և նրա բարեկամի բջջային հեռախոսներին: Տանտերը արտերկրում էր, իսկ ոստիկանություն զանգահարողը նրա ազգականն էր:
Բաժնում պարզվեց կասկածյալի ինքնությունը՝ Վանաձորցի 1984 թվականին ծնված Մ.Մ.: Նա խոստովանեց կատարածը:
Պարզվեց նաև, որ վերջին մի քանի ամսում Մարտիրոսյանը կատարել է նմանատիպ մի քանի բնակարանային գողություններ՝ այդ թվում ՀՀ ազգային հերոս Հովհաննես Չեքիջյանի տնից:
Խուզարկությամբ կասկածյալի մոտից հայտնաբերվել են Հովհաննես Չեքիջյանին պատկանող շքանշաններ ու մեդալներ:
![](https://iravaban.net/wp-content/uploads/2018/01/26906607_1571401566288907_1309948190_o.png)
![](https://iravaban.net/wp-content/uploads/2018/01/26794225_1571410602954670_278665673_n.png)