Համաձայն ՀՀ ջրային օրենսգրքի հոդված 21-րդի՝ ցանկացած տեսակի ջրօգտագործման համար յուրաքանչյուր ոք պարտավոր է ստանալ ջրօգտագործման թույլտվություն (լիցենզիա): Միևնույն ժամանակ սահմանվում է ազատ ջրօգտագործում` ջրօգտագործում, որը չի պահանջում թույլտվություն:
Ազատ ջրօգտագործում է համարվում`
1) այնպիսի ջրօգտագործումը, որը նպատակաուղղված չէ շահույթ ստանալուն.
2) հանգստի, լողալու, ջրային մարզաձևերով (այդ թվում՝ առանց շարժիչների օգտագործման ջրային սպորտաձևերով) զբաղվելը.
3) կարթով ձկնորսությունը և սպորտային որսորդությունը.
4) տեղումների օգտագործումն անձանց սեփականություն հանդիսացող հողատարածքներում.
5) ջրի օգտագործումը հակահրդեհային նպատակներով.
6) էկոլոգիական նպատակներով սանիտարական ելքերի համար ջուր վերցնելը:
Մնացած բոլոր դեպքերում ջրօգտագործման համար անհրաժեշտ է ստանալ օրենքով սահմանված կարգով թույլտվություն:
