Առողջապահության նախարարությունից հայտնում են, որ «Մարդու իրավունքների պաշտպանության ազգային ռազմավարությունից բխող 2017-2019 թվականների գործողությունների ծրագրի» 8-րդ կետի համաձայն` Հայաստանի Հանրապետության առողջապահության նախարարի 2017 թվականի դեկտեմբերի 28-ի N 3757-Ա հրամանով հաստատվել է «Հայաստանի Հանրապետությունում հոգեկան առողջության խնդիրներ ունեցող անձանց պետական աջակցության շրջանակներում բուժման, խնամքի ծառայություններ մատուցող բժշկական օգնություն և սպասարկում իրականացնող կազմակերպություններում մշտադիտարկում իրականացնելու նպատակով հասարակական դիտորդական խումբ ձևավորելու և աշխատանքները կազմակերպելու կարգը»:
Շահագրգիռ անձանց և կազմակերպություններին առաջարկում ենք ծանոթանալ հաստատված կարգին և սահմանված ընթացակարգով դիմել Հայաստանի Հանրապետության առողջապահության նախարարություն` հասարակական դիտորդական խմբում ընդգրկվելու համար:
