Պոռնկությամբ զբաղվելուն նպաստելու մեջ մեղադրվող մատուցողուհին դատապարտվեց 3 տարվա պայմանական ազատազրկման: Այս մասին տեղեկանում ենք դատական տեղեկատվական համակարգից:
Ըստ մեղադրանքի՝ 26 տարի Շիրակի մարզի գյուղերից մեկում մատուցողուհի աշխատած Մերին հանրային հաստատությունն օգտագործել է 2-ից ավելի անձանց պոռնկությամբ զբաղվելու համար՝ գույքային օգուտ ստանալով նպաստել նշված անձանց պոռնկությամբ զբաղվելուն:
Շիրակի մարզի ընդհանուր իրավասության դատարանում 62-ամյա կինն ընդունել է իրեն առաջադրված մեղադրանքն ու միջնորդել դատաքննությունն անցկացնել արագացված կարգով: Դատարանը բավարարել է միջնորդությունը:
Օրերս դատարանը վճռել է Մերիին մեղավոր ճանաչել Քրեական օրենսգրքի 262-րդ հոդվածի 2-րդ մասի 5-րդ կետով և դատապարտել 3 տարվա ազատազրկման, սակայն, պատիժը պայմանականորեն չի կիրառել՝ սահմանելով փորձաշրջան 2 տարի ժամկետով:
