![](https://iravaban.net/wp-content/uploads/2017/11/arkadi-tamazyan-300x201.jpg)
Արկադի Թամրազյան
Ախթալայում հաղթել է ինքնաառաջադրված անկուսակցական Արկադի Թամազյանը: Գործող քաղաքապետ Հայկազ Խաչիկյանը, ստանալով 1374 քվե, պարտվել է։
![](https://iravaban.net/wp-content/uploads/2017/11/14330167_1834863106737590_2535642096539828799_n-300x200.jpg)
Արթուր Սարգսյան
Սիսիանում գրանցված միակ թեկնածուն՝ հանրապետական, գործող քաղաքապետ Արթուր Սարգսյանը վերընտրվել է 10 457 քվեով:
![](https://iravaban.net/wp-content/uploads/2017/04/Ընտրություն-քվեարկել-300x200.jpg)
Ապարանում 10 868 ընտրող կողմ է քվեարկել քաղաքապետի միակ թեկնածու, Հայաստանի Հանրապետական կուսակցության կողմից առաջադրված «Գնթունիք» ընկերության հիմնադիր Կարեն Եղիազարյանին: Դեմ են քվեարկել 278 քաղաքացի:
![](https://iravaban.net/wp-content/uploads/2017/11/92c5a0e0-98b7-4429-9410-13b6598b54e2-224x225.jpg)
Կարեն Բենիամինյան
Արտաշատում հաղթել է առաջադրված միակ թեկնածուն՝ Կարեն Բենիամինյանը: Նա ստացել է 4 571 ձայն:
![](https://iravaban.net/wp-content/uploads/2017/11/images-1.jpg)
Սյունիքի Կապան համայնքում առաջադրված միակ թեկնածուն՝ Աշոտ Հայրապետյանը, 12 538 քվեով ընտրվել է Կապանի քաղաքապետ: Նա առաջադրվել էր ՀՀԿ-ի կողմից: Նրան դեմ է քվեարկել 5073 ընտրող:
Նշենք, որ երեկ՝ նոյեմբերի 5-ին, հանրապետության թվով 69 համայնքներում ընթացող տեղական ինքնակառավարման մարմինների ընտրությունների քվեարկության մասնակիցների թիվը եղել է 243335 քաղաքացի կամ ընտրողների 50.06 տոկոսը:
Եվգենյա Համբարձումյան